Rótgróið fyrirtæki í örum vexti

Stilling hf. var stofnuð 1.oktober 1960 sem sérhæft hemlaverkstæði. Stofnendur ásamt Bjarna Júlíussyni voru Þórður Júlíusson verkfræðingur sem átti upphaflega hugmynd að fyrirtækinu, Magnús Baldvinsson kenndur við í MEBA, Óskar Ólafsson vélstjóri og Benedikt Magnússyni kenndur við BM Vallá. Í dag er fyrirtækið leiðandi í sölu á varahlutum og aukahlutum í bíla. Stilling rekur sex öflugar verslanir víðsvegar um landið en einnig er fyrirtækið með sérstakan gagnagrunn sem verslanir og bílaumboð geta pantað úr á heimasíðu Stillingar hf.

Stilling er eitt elsta varahlutafyrirtæki á Íslandi í dag og fagnaði 1. október 2010 löngu og farsælu starfi með 50 ára afmæli.

Stilling er rótgróið fjölskyldufyrirtæki og hefur frá upphafi verið í eigu sömu fjölskyldu.

Stilling var fyrst til húsa að Skipholti 35 í Reykjavík og sérhæfði sig í hemlabúnaði og viðgerðum á bílum. Á þeim tíma var bílainnflutningur Íslendinga að aukast fyrir alvöru en skortur var á varahlutum í bifreiðar. Bjarni hóf því sjálfur innflutning á varahlutum til að bæta úr brýnni þörf. Varð það upphaf að verslunarrekstri Stillingar.

Fljótlega varð húsnæðið of lítið og Stilling flutti starfssemi sína árið 1966 í Skeifuna 11 Reykjavík sem þá var upprennandi iðnaðarhverfi. Umsvif Stillingar hafa aukist jafnt og þétt og árið 2004 flutti fyrirtækið í nýjar og glæsilegar höfuðstöðvar að Kletthálsi 5 í Reykjavík, þar sem skrifstofur og heildsala eru til húsa.

Reynsla, þekking, geta, traust

Stilling kappkostar að veita viðskiptavinum sínum um land allt vandaða og góða þjónustu. Fyrirtækið er með verslanir í Reykjavík, í Kópavogi, Hafnarfirði, Selfossi og á Akureyri. Þá er hægt að panta vörur úr gagnagrunni okkar af heimasíðunni Partanet. Gagnagrunnurinn inniheldur vörur frá yfir 400 framleiðendum sem gerir viðskiptavinum kleift að finna réttan varahlut á auðveldan hátt. Pöntun á vöru er einstaklega auðveld, viðskiptavinurinn slær inn skráningarúmer bifreiðarinnar og finnur þá gagnagrunnurinn þann varahlut sem passar fullkomlega.

Viðskiptavinir Stillingar eru einstaklingar, bifvélaverkstæði og bílaumboð. Stilling sér einnig um að dreifa bílavörum og verkfærum á bensínstöðvar Skeljungs.